Shillong, Nailur 09
U Marjesh u la long u khlur ïalehkai na ka bynta ka Sports Authority of India (SAI) kaba la lah ban pynliem ïa ka Aruna-chal Pradesh da 5-0 kol ha ka jingïakhun final (Tier 2) jong ka Junior Boys’ National Football Champion -ship na ka bynta ka Dr BC Roy Trophy 2026-27, ha ka sngi Balang ha madan RK Ashram kaba ha Narainpur, Chhattisgarh.
U Marjesh u la khur ïa ka hat-trick, katba ïa kiwei pat la pynbud da u Ansula Narzary bad u Hengoulen. Kine baroh san tylli ki kol ki la wan urlong ha ka kylla miet kiba pyni ïa ka jingkhlaiñ jong ka SAI namar ka Arunachal Pradesh kam shym la lah ban khanglad na ka jingshah thep.
Kaba pynsngewtynnad hangne ka long ba hapoh kane ka kynhun ïalehkai jong ka SAI, la kynthup lang ïa uwei na ki rangïalehkai ka Jylla u Paulbious Tariang.
Te kumta lyngba kane ka jingïoh rung final, ka SAI bad ka Arunachal Pradesh ki la kiew kyrdan sha ka Tier 1 ha kaba kin ïoh ban shim bynta ha ka aïom ïalehkai 2027-28. Kine ki ar tylli ki kynhun kin mih bujli ha ka jaka ka Chandigarh bad ka Maharashtra, kiba la wan ha ki kyrdan ba shatrai ha ka Tier 1 mynta ka aïom.
