Khliehriat, Nailur 11
Ka East Jaiñtia Hills District Football Association (EJHDFA) ka la pynbna ba kan pynlong ïa ka lympung ïalehkai 1st Division League 2026 ha madan artificial turf Diengshynrum, Khliehriat.
Ïa kane ka lympung yn ai nam kum ka Thomas Nongtdu Memorial Trophy kan sdang ha ka 14 tarik mynta u bnai.
U General Secretary kane ka synjuk u Bah James Sutnga ula pyntip ba ki don 16 tylli ki kynhun ïalehkai ki ban ïashim bynta bad ba la phiah ïa ki ha ki 4 tylli ki Pool bad ar tylli ki kynhun ki ban wan ha ki kyrdan ba hakhlieh ha baroh saw tylli ki Pool kin ïoh rung sha ka quarter final.
Te kumta ka jingïalehkai ha katei ka sngi sdang kata ha ka 14 tarik ka Byndihati CSC kan ïakynduh pyrshah ïa ka Wahïajer Narpuh SSC ha ka por 3 baje nohphai sngi.
