Khliehriat, Nailur 11
Ka SWO Moosiang Lamare Old bad Rymbai Pohskur SC ki la rung sha ka Final jong ka jingïalehkai 2nd bad 3rd Division ba la pynïaid da ka East Jaintia Hills District Football Association (EJHDFA).
Kane ka la wan hadien ba kine ki ar kynhun ki la khur jingjop ha ka jingïalehkai semifinal kaba la long ha madan artificial turf Diengshynrum, Khliehriat ha ka 11 tarik Nailur.
Haka jingïalehkai jong ka kyrdan 2nd Division, ka SWO Moosiang Lamare Old SC ka la pynliem ïa ka Moolamanoh SC da 1-0 kol lyngba ka kol ba la thep da u Deilang Syrti ha ka minit 80+9.
Katba ha ka jingïalehkai jong ka kyrdan 3rd Division ka Rymbai Pohskur SC ka la jop da 3-1 ïa ka Borghat SCSC.
Ïa ki kol ka Rymbai Pohskur SC la thep da u Sanhame Bareh 22, bad Dakner Dkhar 88 & 95, katba ïa ka shikol ka Borghat SCSC la thep da u Laxmon Kympad 80+3.
