Jowai, Nailur 11
Ka lympung ïalehkai 2nd Division ba la pynïaid da ka Thadlaskein Sports Association ka la bteng shaid-shaid ha madan Multi Sports Complex Wahiajer ha ka 11 tarik Nailur.
Ha ka jingïalehkai ka ba nyngkong, ka United FC ka la pynliem ïa ka Lumkhudung SC da 1-0 kol lyngba ka kol ba la thep da u Benidict War 34.
Ha ka jingïalehkai kaba bud, ka Ryntih Mynsngat kala pynliem ïa ka Mukhla Veterans da 4-1 kol.
U Elad Pale jong ka Ryntih Mynsngat ula khyrwit da ka Hat trick ha ka minit kaba 3, 44 bad 51 bad u Rimiky Mynsong 21. Katba ïa ka Mukhla Veterans la thep da u Armiky Pale 7.
Ha kawei pat ka jingïalehkai ka Namdong Christian Club ka la pynrem ïa ka Rakabah Hunlang FC da 1-0 kol bad ïa kane ka kol jong ka Namdong Christian Club la thep da u Wanpor Myria 32.
