Shillong, Nailur 11
2 ngut ki khynnah ïalehkai Kurash ka Jylla ki la wanrah burom da kaba khur ïa ki takma rnong ha ka lympung ïalehkai 10th Sub-Junior National Kurash Championships 2026 kaba long ha Ludhiana Punjab.
Kine ki long ka Sonali Koch -24kg ba dang 11 snem rta bad u Josaiah Thanga -55kg ba dang 13 snem rta.
Halor kane ka jingjop, na ka liang u Balamphang Kharkongor (international coach) u la ai khublei ïa kine ki khynnah kiba la wanrah burom ïa ka Jylla hi baroh kawei bad ruh ba kin nangkiew shaphrang ha ki kam ïalehkai jong ki.
