Shillong, Nailur 11
Ka Meghalaya Football Association mynta ka sngi ka la pynpaw ïa ki kyrteng jong ki 20 ngut ki thei ïalehkai ki ban shim bynta ha ka Dr Talimeren Ao National Football Championship ha ka kyrdan Junior Girls (Tier 2) 2026-27.
Ïa kane ka kynhun la ai ïa ka jingkhublei pynshngain kaba itynnat shuwa ba kin leit ïashim bynta sha katei ka lympung ha madan MFA hangne mynta ka sngi, ha kaba ki heh ophisar jong ka MFA, ba la ïalam da u Vice-President Bah Cliff Nongrum ki la ïadon lang ha katei ka jaka.
Ïa ka kynhun yn ïalam ne ‘coach’ da ka Haphi Kharkongor bad kin lehkai ïa ki jingïakhun ha Narainpur, Chhattisgarh, kaba long ki jaka pynlong ïa kane ka lympung na bynta baroh 2 tylli ki jingpynbeit.
Ka kynhun ka Jylla ka don ha ka Group C ryngkat bad ka Jammu and Kashmir, Punjab bad Nagaland. Ka jingïalehkai ba nyngkong jong ki kan long pyrshah ïa ka Jammu and Kashmir ha ka 18 tarik Nailur.
Ka ‘Tier 2’ ka don 18 tylli ki kynhun ba la phiah ha ki ar ‘group’ jong ki san kynhun bad ar ‘group’ jong ki saw kynhun. Ki kynhun kiba jop ha ka kynhun kin kiew sha ka semifinal bad ki ar kynhun kiba la poi sha ka final kin kiew sha ka ‘Tier 1’ ha ka aiom ban wan.
Ka kynhun ka Meghalaya ki long: Dawansaphi Snaitang, Ripaia Phawa, Paleimon L Lyngkhoi, Daficare Lyngkhoi, Nishalin Nongrum, Venecle Kharmusulman, Vanessa Phiba Mawthoh, Bandabetshisha Nongrum, Saralang Lapang, Peacefully Pohplet, Deiphiwansara Lyngkhoi, Jenisha Rani, Marbahun Syiemlieh, Jesica Thongni, Queenilia Kharnaior, Laiahunlang Nongrang, Bansara Rynshiang, Saphidabet Kharmalki, Linsa Manbha Kharpran, Bakhamkor Mawlong
Ki Support staff: Haphi Kharkongor (head coach), Mickyson Rani (assistant coach), Loyalty L Phanrang (manager), Monaliza Don (physio).
