Shillong, Nailur 13
Ka lympung ïakob jngi ba ar sngi ba la tip kum ka 1st Open Swimming Competition bad Masters Meet ba la pynlong da ka True North Leisure Centre ka la poi sha kaba kut, ha ka sngi Saitjaiñ ha ka pung jngi kaba don ha Lapalang.
Ha kane ka jingïakob kaba ar sngi, katei ka pung ka la dap bad shlei da ki nongwan shim bynta ba kynthup naduh kiba dangrit, ki khynnah, ki samla ne wat haduh kiba la san la rangbah, kaba pynlong ïa ka jingïakob kaba da shongkun kaba ai mynsiem bad kaba don ruh ka jingkyrmen ïa ka lawei jong ka ïalehkai jngi hangne hapoh ka Jylla.
Ha kane ka sngi pynkut la ïadonlang u MP Rajya Sabha ka Jylla u James PK Sangma kum u kongsan, ha kaba u la ïoh ban sam katto katne ki khusnam sha ki khynnah.
Ha kaba kut jong ka jingïakob baroh nalor ki takma ba la sam sha ki nongjop, la sam ruh ïa ki khusnan nongjngi ba kynsai (best swimmer).
