Shillong, Nailur 13
Ka Shillong Sports Association (SSA) kam shym la lah ban pynbna ïa ka jingmih jong ka jingïakhun hapdeng ka Shillong Lajong FC bad ka Sawmer SC, kaba la long ha ka sngi Saitjaiñ.
Kane ka jingbym lah ban ai ïa katei ka jingpynbna, ka la mih ka jingkylli na kiba bun bad ka daw hi ka dei namar ka Shillong Lajong ka la pynmih haduh saw ngut ki rangïalehkai ki bym dei napoh kane ka Jylla (Non Meghalayan).
Ha ka jingshah ha kane ka jingïakhun ka Lajong ka la khur ïa ka jingjop da 6-1 kol ïa ka Sawmer, hynrei namar ki don ki kyndon kiba la ym lah ban pynmih palat ïa ar ngut ki rangïalehkai kiba nabar jylla.
Te kumta na ka liang ka Tournament Committee jong ka Shillong Sports Association kan sa shong jingïalang ha ka lah sngi U Blei na ka bynta ban shim ïa ka rai kaba khatduh.
