Shillong, Nailur 13
Ka lympung ïalehkai Meghalaya State Senior Athletics Championship 2026 kan sdang ha ka lah sngi U Blei ha Sports Authority of India (SAI) Training Centre, Shillong.
Ïa kane ka lympung ïalehkai kaba lai sngi, yn pynïaid da ka Meghalaya Athletics Association ha ryngkat ka jingkyrshan lang da ka tnat ïalehkai jong ka Sorkar Jylla.
Kin don haduh 17 tylli ki jingïakop ha kane ka lympung, ha kaba kawei pa kawei ka district kan pynmih 32 ngut ki nongïalehkai (16 shynrang bad 16 kynthei). Ki jingïakop ki kynthup ïa ka 100m, 200m, 400m, 800m, 1500m, 5000m, 10000m, long jump, high jump, triple jump, javelin (800g), discus (2kg), shot put (7.26kg), hammer throw (7.26kg), half marathon, 4x100m relay, 4x400m relay bad ka 4x400m mixed relay.
Ïa kane ka lympung yn wan ban plie da u Director ka tnat ïalehkai Bah Alertson Nongbri kum u kongsan ha ka por 2 baje nohphai sngi, ha kaba yn ïadon lang u Deputy Director Bah PB War Nongbri nalor kiwei pat.
