Nongstoiñ, Nailur 13
Ka Mawkaton Sport & Cultural Youth Club, ha ka sngi Saitjaiñ jong ka taïew ka la plie ïa ka lympung ïalehkai phutbol ba la tip kum ka Mawkaton Knockout Football Tournament 2026, ha kaba ka Amigos FT ka la khur ïa ka jingjop.
Ka nam jop jong kane ka kynhun kaba na West Khasi Hills, ka la wan hadien ba ka la pynliem noh ïa ka Ghoramara FT na ka Jylla Assam da 6-2 kol ha madan Mawkaton, West Khasi Hills .
U Bah Wanshan Kharkrang, Chief Environment Engineer jong ka Meghalaya State Pollution Control Board ( MSPCB) bad ha kajuh kum u Joint Secretary ka tnat Forest & Environment bad ka tnat Mining & Geology, u la long u kongsan ha ka jingdonlang ruh ki riew rangbah bad kiwei kiwei de.
Lah ban kdew hangne ba ha kane ka lympung ïalehkai ba kham heh ha West Khasi Hills, ki don kumba 16 tylli ki kynhun na kylleng ki jaka kiba la wan ban ïashim bynta bad ki ban sa ïakhun .
Na ka liang ki nongpynïaid ki la pyntip ba ka jingïalehkai kaba ar kan long ha ka 17 tarik mynta u bnai ha ka por 3 baje nohphai sngi hapdeng ka Kur Nonglang FT pyrshah ïa ka Shillong Police FT, kumta la kyntu ïa ki paidbah riew ïeit phutbol ba kin wan sakhi ïa katei ka jingïalehkai ha kaba ka bai rung kan long 50 tyngka marwei.
