Shillong, Nailur 14
Ka jingïalang jong ka Tournament Committee ka Shillong Sports Association kaba la long ha ka lah sngi U Blei, ka la rai ba kan shaiñ kuna ïa ka Shillong Lajong FC, kaba la sei bakla haduh lai ngut ki rangïalehkai ki bym dei ki nong Meghalaya, kaba la ïaid lait ïa ka kyndon ïalehkai kat kumba la pruid dak.
Kane ka jingkum sei bakla ka Shillong Lajong FC haduh lai ngut ki rangïalehkai bar jylla ka dei ha ka por ba la ïakhun pyrshah ïa ka Sawmer SC bad ban jop da 6-1 kol ha ka lympung ïalehkai Shillong Premier League ha ka sngi Saitjaiñ ha SSA Stadium.
Kumta da kane ka rai, watla ka Lajong ka la thep kput ïa ka Sawmer SC, hynrei ha ka por ba ïa bujli ïa ki rangïalehkai, ha ka jingbym poi pyrkhat, la kum sei madan haduh lai ngut ki rangïalehkai bar jylla. Kine ki kynthup ïa u Lakpa Lama, uba la don lypa ha ka thup ïalehkai (First XI), bad ki arngut kiba la pynmih bujli pat (substitute) pat ki long u Lalmuansanga bad u Abelson Jachi.
Hadien kane, na ka liang ka Sawmer SC, kala buh da ka jingujor (protest) hakhmat ka SSA, bad dei ha ka jingïalang ka Tournament Committee kaba la long mynne ha kaba la khot lang ïa ki dkhot ka Lajong bad Sawmer, ba la shim ïa katei ka rai.
Te kumta da kane ka rai, ka Sawmer ka la khur 3 poiñ bad 3-0 kol na ka Shillong Lajong.
