Shillong, Nailur 14
Ka India ka la pynliem noh ïa ka Sri Lanka da 72 run na ka bynta ban bteng ïa ka nam lahduh kaba phra ha ka Women’s Asia Cup tournament, hynrei kane ka kynhun ka la kyntait ban pdiang ïa ka trophy nam lahduh.
Kane ka jingïalang sam khusnam ka la mih ki kynrum kynram ha Dubai, hadien ba ki ‘thei ïalehkai ka India ki la kyntait ban pdiang ïa ka trophy na u President ka Asian Cricket Council (ACC) u Mohsin Naqvi, uba long ruh u myntri jong ka sorkar Pakistan, namar kane ka jingïakynad ha ka saiñ hima sima ka dangïaid shakhmat hapdeng kine ki ar tylli ki ri ba marjan jong ka South Asia.
Kane ka jingïakhun ka la long ha ka sngi U Blei ka la long ka jingbteng ba ka India ka la jop ha u snem 2024 ïa ka Sri Lanka, hynrei kane ka jingïalehkai ka la shim por palat 45 minit namar ba ki nongïalehkai na baroh arliang mamla ki la ap shabar jong ki kamra khreh jong ki.
Kane ka jingïalehkai ha Dubai International Cricket Stadium ka la kut ha ka por 9:50 mynmiet (17:50 GMT), hynrei ka jingïalang sam khusnam kam shym la sdang satia haduh ka por 10:40 baje (18:40 GMT).
Shisien ba la buh ïa ka jaka ai khusnam, la ïohi ïa u Naqvi ba u ïeng ryngkat bad kiwei pat ki riew pawkhmat katba dang sdang ka jinglehkmen. Ki nongpynïaid ïa ka jingïalehkai ki dei kiba nyngkong eh ban ïoh ïa ki takma jong ki shwa ba ki nongïalehkai ka Sri Lanka kin ïohpdiang ïa ki takma jong ki.
Kane ka long ka sien jop kaba hynriew na ka bynta ka India pyrshah ïa ka Sri Lanka ha ka final jong ka Asia Cup ha ka jingïalehkai jong ka ODI bad T20.
Ha katei ka jingïakhun ka India ka la buh ïa ka thong da kaba kamai 183/5 hadien ba ka la shimti ban tied nyngkong, ha kaba ka Shafali Verma bad ka Smriti Mandhana ki la lah ban ïalehkai bha na ka bynta ban kynjoh 129 ron. Nangta ki nongkawang bol ki la lah ban leh la ka bynta ban pynlong ïa ka Sri Lanka ba kan kamai tang 111 run na ki 19.4 over, ha kaba ka Shree Charani ka la khur saw wiket bad ka Deepti Sharma ka la ïoh 3 wiket.
Ha kane ka jingïalehkai final, ka Shafali ka la ïoh ban khyrwit 68 run na ki 39 bol, kynthup ïa khyndai tylli ki ‘four’ bad ar tylli ki ‘six’, katba ka Mandhana ka la noh synñiang 59 run na ki 39 bol, ryngkat ki san tylli ki ‘four’ lem bad lai tylli ki ‘six’.
