Khliehriat, Nailur 14
Ka East Jaiñtia Hills District Football Associa-tion (EJHDFA) ha ka lah sngi U Blei ka la sdang ïa ka 1st Division bad Super Division Stage League ba la tip kum ka 6th Kyrmen Shylla Contribution Tro-phy ha madan Dieng-shynrum, Khliehriat.
Ha ka jingïalehkai 1st Division, ka Khliehriat East YWSC ka la pynliem ïa ka Musniang SC da 1-0 kol bad kane ka la wan lyngba u Kyntulang Nongwar uba la thep ha ka minit kaba 75.
Haba phai sha ka Super Division hapdeng ka Byndihati CSC bad Wahïajer Narpuh SSC ki la ïasam mar shi poiñ hadien ba ki la ïakhaid mar 1-1 kol.
Ka Byndihati CSC ka la pynkhih jar nyngkong lyngba u Lungouhoo Hangshing ha ka minit kaba 16, hynrei ka Wahïajer Narpuh ka la pynphai kylla lyngba u Any Manar (28).
Ha kane ka sngi la ïadonlang ki bahaïing hasem u (L)Thomas Nong -tdu ha ka jingïalam ka Kong Santa Mary Shylla, MLA ka 5-Sutnga Sai-pung Constituency ryngkat ka Kong Violet Lyngdoh, MDC 2 Rymbai Constituency, u Bah Krison Langstang, MDC Jalaphet Bri-Sumer Consti-tuency, Bah Hambertus Nongtdu MDC Sutnga Nongkhlieh Constituency nalor kiwei kiwei.
