Shillong, Nailur 15
Ka O.M Roy Memorial Higher Secondary School ka la sdang da ka jingjop ha ka 65th Subroto Cup International Football Tournament 2026, hadien ba ka la pynliem noh ïa ka kynhun na Uttar Pardesh da 8-0 kol ha ka sngi Ba ar ha New Delhi.
Ha kane ka jingïakhun kaba nyngkong jong ka Pool A, ki khynnah ka OM Roy ki la lah ban ïalehkai bha naduh kaba sdang ha kaba ki rangïalehkai ka Uttar Pradesh kim shym la lah ban shan.
U Stevin kharsyntiew (16, 55), Lamshai Jana (25, 38) bad u Deiwamut Syiem (42, 64) ki la thep mar ar kol, katba u Jonathan Kharbani (58) bad u Banaijingshai Kharkongor (60) ki la thep mar shi kol.
Te kumta kane ka kynhun ïalehkai ka Jylla kan pynkhreh ïa ka jingïalehkai kaba ar pyrshah ïa ka CBSE ha ka step jong ka sngi Balang ha ka por 6:30.
