Gangtok, Nailur:
Ka Gyalshing distrik jong ka Sikkim ka dang sakhi ïa ka jingjur jong ka jingtwa khyndew ha Singlitam bad Rimbi hadien ka jinghap slap kaba jur, kaba la pynlong ïa ki ban pynkynriah jaka ïa ki 128 ngut na ki 28 tylli ki longïing kiba sah ha Rimbi, katba ki bor synshar ki dang bteng ïa ka jingpynbha ïa ki surok, ki jingïarap bad ki lad jingïada ha ki thaiñ ba la shah ktah jur.
Ka Sikkim State Disaster Management Authority (SSDMA) ka la ong ba ki jingjia twa khyndew, kumba la ïoh jingtip naduh ka 12 tarik u Nailur, ki la ktah ïa ki jaka sah bad ki jingtei paidbah, ha kaba ki bor synshar distrik bad ki tnad treikam bapher bapher ki la pynlong ïa ka jingpeitngor bad jingpynkhreh baroh arphew saw kynta.
