Nongstoiñ, Nailur 15
ka kynhun ïalehkai jong ka MLG- A Nongstoin ka la ïoh ban khur ïa ka nam lahduh ha ka lympung ïalehkai phutbol ïa kaba la tip kum ka Veteran’s ( above 40yrs) League Cum Knockout Football Tournament 2026 ïa kaba la pynlong da ka New Nongstoin Sports Social & Cultural Club
Ka tei ka nam, jong ka MLG-A Nongstoin ka dei hadien ba kala lah ban pynliem noh da 5 kol la 3 kol ïa ka Nuksa FC na East Khasi Hills lyngba ka tie breaker hadien ka jingïakhaid da mar shikol ha ka jingïalehkai final pyrshah kaba la long ha ka Sngi Ba-ar jong ka taiew ha madan New Nongstoin.
Shuh-shuh haba phai sha kane ka sngi pynkut ïa kane ka lympung ïalehkai ïa ka nam best Goalkeeper la ïoh ban khur da u Mainspring Khardewsaw na ka Rangthong CC& SCA, ïa ka nam top Scorer la ïoh ban khur da u Shanborlang Syiem na ka Mawshynrut Veteran, katba ïa ka nam best players la ïoh ban khur da u Bawari Khongstia na ka Nuksa FC .
Ha kane ka sngi pynhap pyrda , nalor kiwei-kiwei ki rangbah la donlang ruh u President ka NNSSCC ïa kaba u la ïoh ruh ban sam ïa ki khusnam ba kyrpang sha ki players, kumjuh ruh sha ki ar tylli ki team kynthup ïa ka kynhun lahduh.
