Shillong, Nailur 15
Ka Meghalaya Chess Association (M.C.A.), affiliated to All India Chess Federation (AICF) bad kaba la ithuh da ka World Chess Federation (FIDE), kan pynlong ïa ka jingïalehkai Chess ban jied ïa ki nongïashim bynta ‘ na ka bynta ka Championship ba la kdew haneng ha ka 28 bad 29 tarik u Nailur 2026, ha Dinam Hall, Jaiaw Langsning, Shillong. Kane ka prokram kan long hapoh ka jingbei tyngka jong ka Directorate of Sports & Youth Affairs, Sorkar Meghalaya, Shillong.
La pyntip ruh ba ki 5 (san) ngut ki nongïalehkai ba hakhlieh tam na ka kyrdan U-19 (Boys) bad U-19 (Girls) kin sa mihkhmat ïa ka Jylla ha ka “70th National School Games 2026-27 – Chess Under-19 Boys & Girls Championship 2026”, kaba yn pynlong ha THYAGRAJ Sports Complex, New Delhi, naduh ka 23 haduh 28 tarik u Risaw 2026.
