Shillong, Nailur 16
Ka Rilbong ka la pynkhreh ban rakhe ïa ka jingdap shispah snem jong ka, da kaba kan pynlong ïa ki prokram bapher bapher ki ban sdang naduh 2 tarik u Risaw mynta u snem.
Ha kane ka jingrakhe yn sdang shwa da ka jingïakop mareh ba la tip kum ka ‘Centenary Run’ ha ka 2 tarik u Risaw bad ha ka sngi kaba bud yn pynlong sa ka jingkhawai bam (Food Festival).
Ïa kane ka jingrakhe yn plie ha ka 15 tarik u Risaw ha kaba yn pynkup burom ïa ki 25 ngut ki briew kiba na ki dong bapher bapher kiba la noh synñiang ha ki bynta bapher bapher ha kine ki shispah snem ba la leit.
Kat kum ka kyrwoh, la ong ba ïa ka Marathon la kyrshan da ka Meghalaya Cooperative Apex Bank, katba ïa ka jingkhawai bam la kyrshan da ka Magic Cook. Te kumta la kyntu ïa ki nongshim bynta ha katei ka marathon da kaba kin leit ha ka link jong ka https://bit.ly/marathon-rilbong bad na ka bynta ka jingkhawai bam kin leit ha ka https://bit.ly/rilbong-food-festival.
