Khliehriat, Nailur 16
Ka Ladrymbai Dongwah SWSC bad ka Shilliang Umshong SC ki la khur jingjop ha ka lympung ïalehkai 1st Division bad Super Division ba la pynïaid da ka East Jaiñtia Hills District Football Association ha ka sngi Balang ha madan Diengshynrum, Khliehriat.
Ha ka jingïalehkai 1st Division, ka Ladrymbai Dongwah SWSC ka la pynliem da 2-0 kol ïa ka Rymbai Madanpynriang SC. Ïa kine la thep da u Deepson Tokbi ha ka minit 44 bad 54.
Haba phai sha ka Super Division, ka Shilliang Umshong SC ka la jop da 3-0 kol ïa ka Rymbai Skhenshynriah SC. Ïa kine la thep da u Besterly Ksih ha ka minit 12, kumjuh u Hesmiky Rymbai (39), bad u Phon Khaii (82).
