Shillong, Nailur 16
Ka lympung ïalehkai North East Inter State Badmin-ton Championship 2026 ka la sdang ha ka sngi Balang ha Gymnasium cum Indoor Stadium kaba ha Jawaharlal Nehru Sports Complex, Polo.
Ha kane ka lympung ïalehkai ka ban neh saw sngi lynter, la wan shim bynta da 272 ngut ki nongïalehkai na ki phra tylli ki Jylla ka thaiñ shatei lammihngi. Kine ki long ka Meghalaya kum ka nongpynlong ïa kane ka lympung, kumjuh ka Arunachal Pradesh, Assam, Manipur, Mizoram, Naga-land, Tripura lem bad ka Sikkim.
Ïa kane ka lympung la plie da u Myntri ka tnat ïalehkai Bah Wailadmiki Shylla ha ryngkat ka jingïadon lang u Director ka tnat ïalehkai Bah Alert-son Nongbri, kumjuh u Joint Secretary ka Bad-minton Association of India (BAI) u Omar Rashid, u Deputy Director Bah Païa B War Nongbri, u Assistant Director Bah Khroobok Passah, ki dkhot ka Meghalaya State Badminton Association bad kiwei kiwei.
Haba ai jingkren ha kane ka sngi u Bah Wailad -miki u la pdiang sngewbha ïa ki nongïalehkai kiba la wan shim bynta ha kane ka lympung. U la ong ruh ba kane ka lympung ka long kum ka jingpynkhreh jong ka Jylla na ka bynta ka National Games 2027. Te kumta u la kyntu ïa ki nongïalehkai ba kin ïalehkai bha ha kane ka lympung.
Lah ban kdew ba manla kawei pa kawei ka Jylla, ki la phah mar 34 ngut ki nongïalehkai ki ban shim bynta naduh ka kyrdan ïalehkai Singles, Doubles, Mixed Double bad ka jingïalehkai kynhun ne Team event.
