Shillong, Nailur 17
Ka Sohryngkham bad ka Mawpat SC ki la long ba la pynkhreh ban ïaknieh ïa ka nam lahduh ha ka jingïakhun final jong ka 2nd Division Football League 2026 ba la pynlong da ka Shillong Sports Association, ha ka sngi Saitjain (19 tarik) ha ka por 3 baje nohphai sngi ha SSA Stadium, Polo.
Haba phai sha ki jingïakhun semi final ba la lah, ka Sohryngkham ka la jop ïa ka Mawryngkneng SC da 2-1 kol, katba ka Mawpat ka la lah ban pynliem noh ïa ka Smit SC da 4-2 kol.
Te kumta ka Sohryngkham bad ka Mawpat ki la long ki ar tylli kiba la kiew kyrdan sha ka First Division bad kin ïoh ban shim bynta naduh u snem ban wan.
