Shillong, Nailur 17
Ka lympung ïalehkai siat carrom ba la tip kum ka 24th Meghalaya State Badminton Ranking Tournament 2026-2027 ka la sdang ha ka 15 tarik mynta u bnai ha Jaïaw Laitdom Dorbar Carrom Club.
Ïa kane ka lympung ba la pynlong da ka Meghalaya Carrom Association, la plie da u MDC ka 19 Jaïaw Constituency Bah Denzil Chen ha kaba la ïadon lang ki dkhot ka executive committee ka Dorbar shnong Jaïaw Laitdom, ki dkhot ka Jaïaw Laitdom Dorbar Carrom Club, ka MCA bad ki nongïashim bynta. La pynïaid ïa kane ka jingïalang da u Bah Banrapbor-lang Wahlang, Secretary ka Jaïaw Laitdom Carom Club.
Haba ai jingkren ha katei ka sngi u kongsan u Bah Denzil u la ai ka jingkitbok kitwriang ïa ki dkhot nongkitkam bad ki nongïashim bynta ba kin lah ban dangïaid shakhmat ïa ka kam ban kyntiew ïa ka kam ïalehkai.
U la pynpaw ïa ka jingsngewsih halor ka jingud jingnam ha ka liang ka pla tyng -ka kaba long kawei na ki jingeh ban jam shakhamt ban pynmih shuh shuh kum kine ki jait jingïalehkai. u Bah Chen u la kyntu ïa ka Sorkar Jylla ban phai lem bad ai jingïarap da kaba ong ba ka Sorkar ka dei ban pynduna ïa ka jingbam sap bad ban wanrah ka jingkhuid ha ka liang ka pisa tyngka.
