Shillong, Nailur 17
Ka Rangdajied United FC ka la lah biang ban jop ha ka lympung ïalehkai Shillong Premier League 2026, hadien ba ka la pynliem ïa ka Nangkiew Irat da 2-1 kol ha ka sngi Palei ha SSA Stadium, Polo.
Kane ka nam jop jong ka Rangdajied ka jia long ba ha kane ka samoi ïalehkai ba mynta ka la sdang kham suki, hynrei katba nangjam shakhmat ka la nangkiew ha ka rukom ïalehkai.
Ha ka kylla step ka Nangkiew Irat ka la lah ban ïalehkai bha naduh kaba sdang ha kaba ka la ïoh ban pynkhih jar nyngkong eh lyngba u Ronaldkydon L Nonglait (32′). Hynrei ka Rang-dajied ka la lah ban pynphai kylla ar kol lyngba u Mebannangkiew Thabah (18′) bad u Micky Marweiñ (81′) na ka bynta ban khur syndon ïa ka jingjop.
Ha ka sngi Thohdieng ka jingïakhun kan long hapdeng ka Laitkor kaba don ha ka kyrdan ba khyndai, pyrshah ïa ka Sawmer kaba don ha ka kyrdan kaba saw, ha ka por 3 baje nohphai sngi.
