Shillong, Nailur 17
Ka jingshah thok pisa la ka dei lyngba ki kor social media, ne lyngba ki phone ki dang bteng haduh mynta, bad ïa kane lah ban sakhi na ki jingjia shah thok pisa.
Katkum ka khubor na ki pulit la ong ba kawei ka nongshong shnong na kawei na ki dong ha nongbah Shillong, ka la ai ka jingujor ba ha u bnai Nailar, 2026, uwei u briew ba la tip kyrteng kum u Akshay Tyagi, uba la kam ba u dei u nongtrei jong ka Himalaya Heli Services, u la thok pisa ïa ka haduh T.2,27,500/-.
Ha kawei pat ka khubor, uwei u rangbah uba dei na kawei na ki dong ha nongbah Shillong, u la ai ka jingujor ba ha ka 10 tarik Jymmang, 2026, u la shah thok pisa haduh T.50,500/- ha ka jingïapynbeit ban thied ïa ka laptop lyngba ka Instagram bad WhatsApp.
Uwei u nongshong shnong jong ka dong ha Tura (WGH) u la ai ka jingujor ba ha ka 14 tarik mynta u bnai, haduh lai tylli ki jingshah sei pisa lyngba ka ATM ki la jia na ka Bank account ka jong u, khlem ka jingtip ka jong u, ha kaba la sei ïa ka pisa kaba long haduh T.27,000/-.
