Shillong, Nailur 20
Ka O.M Roy Memo-rial Higher Secon-dary School ka la pynliem da 5-0 kol ïa ka Andaman & Nico-bar na ka bynta ban khur ïa ka jingjop ha ka jingïalehkai kaba khatduh ha ka Pool-A jong ka 65th Subro -to Cup International Football Tournament 2026, ha ka sngi Saitjaiñ ha New Delhi.
U Jonathan Kharbani u la khur ïa ka hat-trick da kaba thep 4 kol bad ïa kawei pat la thep da u Steningbor Thongni.
Watla ka khur ïa ka jingjop, hynrei kane ka kynhun ïalehkai Under-17 kaba la mihkhmat ïa ka Jylla ka la duh rung sha ka quarter final bad ka la hap ban wanphai noh sha la ïing.
Kum ban shu pynkynmaw, ka OM Roy ka la sdang da ka jingjop ïa ka Uttar Pradesh da 8-0 kol, nangta ka la shah rem noh da 2-1 kol ha ka CBSE bad ïakhaid mar 1-1 kol pyrshah ïa ka Delhi hashwa ba kan jop ïa ka Andaman. Te kumta ka la wan ba-ar bad kamai 7 poiñ.
Te kumta ka CBSE ka la ïoh ban lamkhmat ha kane ka Pool da kaba kamai 12 poiñ bad ka la rung sha ka quarter final.
