Shillong, Nailur 21
Ka All Meghalaya Karate-Do Association (AMKA) kan pynlong ïa ka lympung ïalehkai ba la tip kum ka 13th Inter College Karate Tournament 2026 ha ka 26 tarik mynta u bnai ha Shillong College Indoor Sports Infrastructure, Shillong.
Ïa kane ka lympung la ïasnoh kti lang bad ka Sports Development Cell jong ka Shillong College bad yn kyrshan lang da ka tnat ïalehkai ka Sorkar Jylla.
Na ka liang katei ka synjuk ka la kyntu ïa ki nongïalehkai kiba don jingthmu ban ïashim bynta ba ki wan shim ïa ki form na ka shlem treikam ka AMKA ha Mawkhar bad ka tarik ban pynpoi ïa ki kan long ha ka 24 tarik mynta u bnai.
