Shillong, Nailur 21
Ka Malki SC ka la wanphai da ka jingjop ha ka lympung ïalehkai 1st Division Football League 2026, hadien ba ka la pynliem noh ïa ka Nongthymmai SC da 3-2 kol ha ka lah sngi U Blei ha SSA Stadium, Polo.
Kane ka la wan lyngba u Valerian L Lyngdoh, Nali Rangsong, bad u Rangdajied Rynjah na ka bynta ban pynlong ïa kane ka kynhun ban khur ïa ki lai poiñ.
Watla ka la shah rem da 2-1 kol ha ka Nongkrem, ka Malki ka la wanphai da ka jingkhlaiñ bor ha kane ka jingïakhun kaba ar.
Tang mar ïasdang ka jingïalehkai ka Nongthymmai ka la pynkhih jar ha ka minit kaba nyngkong lyngba u Kostar. Hynrei ka Malki ka la lah ban pynphai kylla lyngba u Valerian L Lyngdoh (27) bad bynrap sa kawei pat da Nali Rangsong (41) na ka bynta ban tam da 2-1 kol ha ka kylla step.
Hadien katto katne por ka Nongthymmai ka la lah ban pynïakhaid kylla lyngba u Badonkupar (61) hashwa ba u Rangdajied Rynjah (68) un thep ïa ka kol kaba khatduh na ka bynta ban pynlong ïa ka Malki ban khur syndon ïa ka jingjop.
Ka jingïalehkai ha ka sngi Ba-ar kan long hapdeng ka Mawkhar SC pyrshah ïa ka Nongrim Hills SC ha ka por 12:15 mynstep.
