Khliehriat, Nailur 22
Ka Deinshalalu SC bad Byndihati CSC ki la khur jingjop ha ka First bad Super Division ba la pynïaid da ka East Jaiñtia Hills District Football Association ha ka sngi Ba-ar ha madan Diengshynrum, Khliehriat.
Ha ka jingïalehkai 1st Division, ka Deinshalalu SC ka la pynliem noh ïa ka Bataw YWSC da 1-0 kol bad kane ka la wan lyngba u Shemphang Ksih, uba la thep ha ka minit kaba 40.
Haba phai sha ka Super Division, ka Byndihati CSC ka la pynliem noh ïa ka Shilliang Umshong lyngba ka shi kol ba la thep da u Pyrkhat Sumer ha ka minit kaba 61.
