Jowai, Nailur 22
Ka Mukhla Wahchnong, Nongdhar Nongthymme bad ka Shillong Police FT ki la khur jingjop ha ka 2nd Division Football Leauge ba la pynïaid da ka Thadlaskeiñ Sports Association (TSA).
Ha kane ka jingïalehkai kaba la long ha ka sngi Ba-ar ha Multi Sports Complex Wahïajer, ka Mukhla Wahchnong ka la pynliem noh ïa ka Mainroad SC Wahïajer da 2-1 kol. Ïa kine la thep da u Embolden Phawa (17) bad u Deciousboy Nongrum (69), katba na ka Mainroad la thep da u Mewan Talang (31).
Ha ka jingïalehkai kaba bud, ka Nongdhar Nong-thymme ka la jop da 2-1 kol ïa ka Mukhla Sohshrieh. Kane ka la wan lyngba u Promis Paslien (21) bad kawei pat la ïarap pynthep da u rangïalehkai ka liang pyrshah u Willson Sari (55). Na ka liang ka Mukhla la pynkhih jar nyngkong lyngba u Arikis Suna (8).
Haba phai sha kawei pat ka jingïalehkai, ka Shillong Police FT ka la pynliem ïa ka Goodwill Mupliang da 4-1 kol. Kane ka la wan lyngba ka hat-trick ba la khur da u Ïohbor Nonglyer (22,66 & 69) bad bynrap pat sa u First Pillar Suchiang (3). Katba ïa ka shi kol jong ka Goodwill Mupliang la thep da u Modify Sna (25).
