Shillong, Nailur 22
Ka Langsning FC kaba long ka lahduh jong u snem ba la lah, ka la pynliem noh ïa ka Nangkiew Irat da 3-0 kol na ka bynta ban jam sha ka kyrsan ba hakhlieh ha ka Shillong Premier league 2026, ha ka sngi Ba-ar ha SSA Stadium, Polo.
Kane ka nam jop ka la wan lyngba u Samuel Phawa (65′), Syed Ahmed (70′) bad Mebanshngaiñ Kurkalang (79′). Te kumta ka Langsning ka la kamai 13 poiñ na ki hynriew sien ïakhun bad ka la tam kylla da ar poiñ ïa ka Mawlai bad Shillong Lajong, kiba la hiar mynta sha ka kyrdan ba-ar bad balai. Katba ka Nangkiew Irat ka la ïai neh ha ka kyrdan ba phra bad 7 poiñ.
Ha ka sngi Balang ka jingïakhun kan long hapdeng ka Rangdajied United FC pyrshah ïa ka Nongkseh SSCC ha ka por 3 baje nohphai sngi.
