Shillong, Nailur 23
Ka ‘thei ïalehkai ka Jylla, ka Tusame N Marak ka la khur biang sa kawei ka takma ha ka lympung ïalehkai 37th East Zone Junior Athletics Cham-pionship 2026.
Kane ka ‘thei ïalehkai kaba na Garo Hills ka la lah ban khur ïa ka takma rnong ha jingïa-kop kawang sum ne Javelin Throw da kaba ka la lah ban kawang ha ki 32.78 mitar ha ka sngi Balang ha Patliputra Sports Complex in Patna, Bihar.
Kham hashwa ha ka sngi Ba-ar ka Tusame ka la khur ruh ïa ka takma ksiar ha ka Women’s U-18 High Jump da kaba ka la lah ban kynthih ha ki 1.51 mitar. Katba u Wankyr-men L. Mawphlang u la khur ïa ka takma rupa ha ka jingïakop mareh kaba 5000 mitar jong ka kyrdan ïalehkai Under-20 ki shynrang ha kaba u la pyndep ha ki 15:42.94.
Te kumta haduh ka sngi kaba ar jong kane ka lympung, ka Jylla la khur 3 ki takma, ba kynthup ïa ka takma ksiar, rupa bad rnong.
