Shillong, Nailur 24
Ka Nongthymmai SC ka la pynjem khnap da 4-1 kol ïa ka Mawtawar SC na ka bynta ban khur jingjop ha ka lympung ïalehkai SSA 1st Division Football League 2026 ha ka sngi Palei ha madan Polo.
U Badonkupar u la khur ïa ka hat-trick hadien ba u la thep ha ka minit kaba 21, 28 & 45 bad ïa kawei pat la thep da u Ïaikyrmen (43). Ka Mawtawar ka la pynphai shi kol ha ka kylla miet lyngba u Ronaldo Rangslang (72) hashwa ba kan mad ïa ka jingshah rem.
Ka jingïalehkai ha ka sngi Thohdieng kan long hapdeng ka Ryntih SC pyrshah ïa ka Mylliem Lum ha ka por 12:15 mynsngi.
