Imphal, Nailur:
U Myntri Rangbah ka jylla Manipur u Yumnam Khemchand Singh u la ïakren bad ki samla pule na ki kynhun ritpaid, Other Backward Classes (OBC) bad Scheduled Caste (SC) ha Secretariat.
Baroh 25 ngut ki samla kiba la shah jied yn phah sha IIT Madras na ka bynta ki jinghikai ba kyrpang ha ka Semiconductor Technology, ha kaba ïa kane ka prokram yn bei tyngka da ka tnad Minority Affairs, OBC bad SC, ka sorkar Manipur.
Kane ka jingthmu ka long ban ai ïa ki samla pule ïa ka jingïakynduh kaba lah ban leh bad ki jingtbit ba kyrpang ha ka liang ka Semiconductor kaba dang mih, katba ka plie lad ïa ki ban ïoh ïa ka jingnang jingstad ha ka bynta jong ka teknoloji kaba nang kham kongsan.
Ha kane ka prokram ïakren la wan ïashim bynta da u Armstrong Pame, Commissioner-cum-Secretary, Minority Affairs, OBC bad SC, bad u Yumnam Suraj, Director (MOBC).
