Khliehriat, Nailur 25
Ka Khliehriat West YWSC ka la khur jingjop katba ka Diengchynrum SC bad Wahiajer Narpuh SSC kila ïakhaid ha ka lympung ïalehkai 1st Division bad Super Division Football League ba la pynïaid daka East Jaintia Hills District Football Association ha madan artificial turf Diengshynrum, Khliehriat haka 25 tarik Nailur.
Haka jingïalehkai 1st Division, ka Khliehriat West YWSC ka la pynliem ïa ka Rymbai Wahshnong SC da 3-2 kol. Ïa ki kol ka Khliehriat West YWSC la thep da u Seram Sekho Singh 10&80, Bijoy Suting 55, katba Rymbai Wahshnong la thep da u Verdict Swer 48 bad Deiwompoipyrkhat Swer 71.
Ha ka jingïalehkai Super Division, ka jingïakhun kala kut da ka jingïakhaid kaba mar 1-1kol hapdeng ka Diengchynrum SC bad Wahiajer Narpuh SSC. Na ka bynta ka kol jong ka Wahiajer Narpuh SSC la thep da u Sanjib Chetri 1, katba na ka bynta ka kol jong ka Diengshynrum la thep da u Th Aktar Hussain 88.
