Jowai, Nailur 25
Ka jingïalehkai 2nd Division Football League ba la pynïaid da ka Thadlaskein Sports Association kala ïaid shakhmat ha madan Multi Sports Complex, Wahiajer ha ka 25 tarik Nailur.
Haka jingïalehkai kaba nyngkong ka ka jingïakhun kala kut da ka jingïakhaid kaba mar 1-1 kol hadpeng ka Tympang SC Wahiajer bad Nongdhar Nongthymme.
ïa ka kol jong ka Tympang SC Wahiajer la thep da u Rupaya Dkhar 20, katba ïa ka kol jong ka Nongdhar Nongthymme la thep da u Edris Suting 48.
Ha ka jingïalehkai kaba bud, ka Shillong Police ka la pynliem ïa ka Mupliang RC Dreaming 3-0 kol. ïa ki kol ka Shillong Police la thep da u Angelious Mukhim 35, Iohboklang Kshiar 38 bad Iohbor Nonglyer 67.
Ha kawei pat ka jingïalehkai Maya Club Wahiajer ka la pynliem da 5-3 kol ïa ka Mukhla Wahchnong.
U Shamki Mukhtieh u la khyrwit da ka hat trick ha ka minit 14, 66, 69 bynrap sa ka kol na u Embok Pale 55 bad Preshan Supuh 71, katba ïa ki kol ka Mukhla Wahchnong la thep da u Player Suna 2, Rikmenlang Sumer 30 bad Kularmi Luhuid (OG) 39.
