Shillong, Nailur 25
Ha ka sien kaba ar ka All Meghalaya Kickboxing Association (AMKA) ka la wan shakhmat ban pynlong ïa ka 2nd State Level Kickboxing Championship 2026 ka ban long ha ka 15 bad 16 tarik u Risaw 2026 ha Samuel Academy School, Kyiem ha shnong Kyiem ha Mawphlang.
Kat kum ka jingpynpaw da u President ka AMKA u Bah Samuel Hashah, la ong ba kane ka lympung yn wan shim bynta da kumba 500 ngut ki nongïalehkai na ki 9 tylli ki district ka Jylla kum na Garo Hills, Ri Bhoi, Jaintia Hills bad na East Khasi Hills.
Ka jingthmu jong kane ka lympung ka long shi bynta ba jied ïa ki nongïalehkai kiba kynsai ki ban mihkhmat ïa ka Jylla sha ka National Championships ka ban long u Naiwieng mynta u snem.
U la ong ba ka AMKA kan ai ia ka rynsan kaba bha tam ia ki khun samla ka Jylla kynthup shynrtang bad kynthei naduh ka rta ba dang 6 snem haduh 40 snem ka rta ban pyni ia ki sap ialehkai jong ki.
Kane ka 2nd State Level Championship ka long ka ba pdiang sngewbha ïa baroh ki seng ki Associations/Club/Schools/Colleges/Universities bad kumjuh ïa ki riewshimet.
Ki nongïalehkai ki lah ban register lyngba kine ki Whatapp No. 8731022338/9366482730/6005586244. Ka tarik ba khatduh ban register kan long ha ka 5 tarik Risaw 2026 bad yn ym pdiang shuh nadien kane ka sngi.
