Nongstoin, Nailur 25
Ka lympung ïalehkai phutbol ka Mawkaton Invitation Veteran Football Tournament jong kiba 40 snem ka rta shaneng ka la sdang ha ka 25 tarik Nailur 2026 da ka jingïalehkai hapdeng ka MLP West Khasi Hills pyrshah ïa ka Nuksa FC, ha kaba ka Nuksa ka la lah ban thep haduh 6-0 kol ki long Jersey No 7 (3,19mins) Jersey No8 (24mins) Jersey No5 (49mins) Jersey No10 (51,59mins) katba ka MLP kam shym la ïoh ban pyn phai kylla.
Ha kawei pat ka jingïalehkai jong kane ka lympung la bteng da ka jingialehkai hapdeng ka Rambrai Jyrngam pyrshah ïa ka Lorchuti FC (West Karbi Anglong) ka Rambrai Jyrngam ka lah jop da 5-1 kol ïa ka Lorchuti FC.
Ki kol ka Rambrai Jyrngam la thep da u Kordor Dkhar (2mins) jrNo2 (26mins) Shining Marwein (45,59mins) Shelblikstar K. Shilot (82mins)
Katba ka shi kol ka Lorchuti FC lah thep da u Ibanroi Muktieh (66mins).
Ka jingïalehkai kaba bud haka 29 tarik mynta u bnai ka long hapdeng ka 4th Battalion MLP Sohpian pyrshah ïa ka Lai Lyngdoh FC.
