Shillong, Nailur 27
Ka Pohkseh bad ka Mawkhar ki la ïasam mar shi poiñ ha ka lympung ïalehkai First Division Football League 2026 ba la pynïaid da ka Shillong Sports Association, hadien ba ki la ïakhaid mar 1-1 kol ha ka sngi Saitjaiñ ha SSA Stadium, Polo.
Ha kane ka jingïakhun, ka Pohkseh ka la pynkhih jar nyngkong ha ka kylla step lyngba u Welborn Pyngrope ha ka minit kaba 20, hynrei ka Mawkhar ka la lah ban pynphai kylla ha ka kylla miet lyngba u Mackiven Shyrkon ha ka minit kaba 54 na ka bynta ban ïakhaid mar shi kol.
Kumba ka paw ha ka jingïalehkai ba nyngkong, ka Mawkhar ka la jop ïa ka Nongrim Hills, katba ka Pohkseh ka la shah rem ha ka Mylliem Lum.
Ha ka lah sngi U Blei ka jingïalehkai jong ka Group-A kan long hapdeng ka Laitkyrhong pyrshah ïa ka Malki ha ka por 12:15 mynsngi.
