Imphal, Nailur:
Ki pulit ka Manipur ki la kem ïa uwei u briew ba la kynnoh ba u dei u dkhot jong ka KYKL ha Imphal East bad ki la kem sa uwei pat u briew uba don kumba 3.5 kg u kyiad Ganja ha Imphal West ha ka jingtrei ba kyrpang, la ïathuh ki heh sorkar.
Ha ka 27 tarik u Nailar, ka kynhun jong ki CDO ka Imphal East ki la pynlong ïa ka jingkhynra ha Khurai Laishram Leikai kaba don hapoh thanat Porompat bad ki la ïoh ban kem ïa u Kangabam Roshan Singh uba la tip kyrteng ruh kum u Korou, 22 snem ka rta uba dei u nongshong shnong jong kane ka juh ka jaka.
Ki pulit ki la ithuh ba u dei u nongbud ba trei shitom jong ka KYKL.
Ha ka jingkhynra kaba kyrpang ha ka 27 tarik Nailur, ka kynhun jong ki pulit ka tnad Narcotics and Affairs of Border (NAB) ki la ïoh ban kem ïa u Omprakash Anand Survana 49 snem ka rta na ka thaiñ North AOC jong ka Imphal West.
U Survana, u dei uba shong ba sah ha Thane, ha Maharashtra, ha kaba u don kumba 3.5 kg u kyiad Ganja, ong ki pulit.
Ka jingtohkit kaba bniah halor baroh ar tylli ki jingjia ka dang ïaid shakhmat.
