Khliehriat, Nailur 29
Ka Byndihati CSC bad Khliehriat East YWSC ki la khur jingjop ha ka Super Division bad 1st Division Football League 2026 ba la pynïaid da ka East Jaiñtia Hills District Football Association (EJHDFA) ha ka sngi Ba-ar ha madan Diengshynrum, Khliehriat.
Ha ka jingïalehkai Super Division, ka Byndihati CSC ka la pynliem da 5-0 kol ïa ka Rymbai Skhenshynriah SC. Ïa kine la thep da Philemon Dkhar (17), Pyrkhat Sumer (43 & 45+1), Lungouhao Hangshing (40) bad u Ejingmut Lyngdoh (85).
Haba phai sha ka 1st Division, ka Khliehriat East YWSC ka la jop da 4-1 ïa ka Jalyiah UTD SC.
