Shillong, Nailur 29
Ka tnat pulit ka Jylla ka la wanphai ïing ryngkat ar ki takma ksiar na ki nongïakhun kti ne arm wrestling ha ka 75th All India Police Wrestling Cluster Championship, kaba la long ha Haryana Police Academy, Madhuban naduh 23 haduh 27 tarik mynta u bnai.
Ha kane ka jingïakop la wan shim bynta da 37 tylli ki kynhun jong ki pulit kiba na kylleng jong ka ri.
Ka Wandalin Syiemïong ka la khur ïa ka takma ksiar ha ka kyrdan jingkhia kaba 60kg jong ki kynthei, katba u Alan Sun Marba-niang u la khur ïa ka takma ksiar ha ka kyrdan jingkhia kaba 90kg jong ki shynrang.
Shuh shuh u Alan u la khur ruh ïa ka nam ‘Overall Champion of Champions’ bad u la ïoh ruh ïa ka nam kum uba khlaiñ tam ne ‘All India Strongest Man 2026’.
Na ka liang ka tnat pulit ka la ai jingïaroh ïa kitei ki ar ngut halor ka jingjop jong ki, da kaba pynpaw ba ka jingjop jong ki ka long ka jingsarong ïa ka Jylla.
