Shillong, Nailur 29
Ka Nongkrem SC ka la wanphai ban pynliem ïa ka Mawtawar SC da 3-1 kol ha ka Group-A jong ka lympung First Division Football League 2026 ha ka sngi Ba-ar ha SSA Stadium, Polo.
Ha kane ka jingïakhun, ka Mawtawar ka la pynkhih jar nyngkong lyngba u Pedrick Lyngdoh ha ka minit kaba 32, hynrei hashwa ban kut ka jingïalehkai jong ka kylla step ka Nongkrem ka la lah ban pynphai kylla lyng -ba u Ïohkyrpang Myrthong (40). Ka Nongkrem ka la thep biang sa ar kol ha ka kylla miet lyngba u, Donboklang Kharjana (68) bad u Aiboklang Nongrum (77) na ka bynta ban khur syndon ïa ka jingjop.
Kumba ka long mynta ka Nongkrem ka danglam-khmat da kaba kamai 7 poiñ na ki lai sien ïakhun, katba ka Mawtawar ka dangdon ha ka kyrdan ba shatrai bad 1 poiñ.
Ka jingïalehkai ha ka sngi Balang kan dei ka Group-B hapdeng ka Mylliem Lum pyrshah ïa ka Nongrim Hills ha ka por 12:15 mynsngi.
