Jowai, Nailur 30
Ka lympung ïalehkai Second Division Stage League 2026 ba la pynïaid da ka Thadlaskeiñ Sports Association ka la jam sha ka pre-quarter final.
Ha ka jingïalehkai group kaba khatduh kaba la long ha ka sngi Balang ha Multi Sports Complex Wahïajer, ka Mupliang RC Dreaming ka la pynliem ïa ka Mukhla Nongrim da 1-0 kol. Ïa kane ka shi kol la thep da u Ram Phawa ha ka minit kaba 10.
Haba phai sha jingïalehkai kaba bud kaba dei ka pre-quarter final kaba nyngkong, ka Lad Mukhla ka la pynliem noh ïa ka Moobakhon Tyllilang lyngba ka shi kol ba la thep da u Pyrkhatbha Suna ha ka minit kaba 69.
