Khliehriat, Nailur 30
Ka Sutnga SSCC ka la khur jingjop ha ka lympung ïalehkai Super Divi-sion, katba ka Sutnga Mission SSCC bad Bataw YWSC ki la ïasam mar shi poiñ ha ka 1st Division Football League ba la pynïaid da ka East Jaiñtia Hills District Sports Association ha ka sngi Balang.
Ha ka jingïalehkai kaba nyngkong jong ka Super Division kaba la long ha madan Dieng-shynrum ha Khliehriat, ka Sutnga SSCC ka la pynliem noh ïa ka Thangskai Tiger SC da 1-0 kol bad ïa kane la thep da u Kamkhosat Hoikip ha ka minit kaba 30.
Haba phai sha ka 1st Division hapdeng ka Sutnga Mission SSCC bad Bataw YWSC ki la ïakhaid mar 2-2 kol. Na ka bynta ka Bataw la thep da u Ïengskhem Suchiang ha ka minit kaba 20 bad u Close Suchiang (60), katba na ka Sutnga Mission la thep da u Ahe To Swa (54) bad u Flower -son Pala (71).
