Shillong, Nailur 30
Ka Nongrim Hills SC ka la khur jingjop ha ka lympung ïalehkai First Division Football League 2026 ba la pynïaid da ka Shillong Sports Association, hadien ba ka la pynliem noh ïa ka Mylliem Lum da 3-1 kol ha ka sngi Balang ha SSA Stadium, Polo.
Kane ka nam jop ka la wan lyngba u Bansynshar Kharshnong, Arki Wa-O Kharmalki bad u Damutlang Wahlang na ka bynta ban khur ïa ki lai poiñ.
Ha kane ka jingïakhun ki rangïalehkai ka Nongrim Hills ki la pyrshang ban ïalehkai bha naduh kaba sdang ha kaba ka la ïoh ban pynkhih jar nyngkong eh lyngba u Bansynshar Kharshnong ha ka minit kaba 18.
Watla ka la shah thep shi kol, hynrei ka Mylliem Lum ka la pyrshang ban ïakhun tyngeh bad hadien shiteng kynta ka la lah ban pynphai kylla lyngba u Hamebatskhem (30) na ka bynta ban ïakhaid mar shi kol. Hadien phra minit ka Nongrim ka la thep biang ïa ka kol kaba ar lyngba u Arki Wa-O Kharmalki na ka bynta ban tam da 2-1 kol ha ka kylla step.
Ka Nongrim Hills ka la ïoh ban thep kol biang ha ka kylla miet lyngba u Damutlang (58). Watla ka liang pyrshah ka la pyrshang ban pynphai, hynrei haduh kaba kut kam shym la lah ban pynurlong bad ka la mad ïa ka jingshah rem.
Ka jingïalehkai ha ka sngi Palei kan long hapdeng ka Pohkseh SC pyrshah ïa ka Ryntih SC ha ka por 1:30 nohphai sngi.
