Shillong, Nailur 30
U rangïalehkai phutbol ka Jylla u Aiban Dohling, u la soi biang sa shi samoi ïa ka kontrak ka jong u bad ka kynhun ïalehkai Indian Super League, ka Kerela Blaster.
Une u rangïalehkai ‘dien na Sohra, u la ïoh ban ïalehkai kumba 93 tylli ki jingïakhun ha ka lympung ïalehkai SIL bad ban ïoh thep ruh 3 kol, ha ka jingïalehkai na ka bynta ka FC Goa bad Kerela Blaster.
Haba phai bad ka jingim ïalehkai bad ka Kerela Blaster, u Aiban u la ïoh ban mihkhmat khyndai sien ha ka samoi ïalehkai 2025-26 bad ban don kumba 634 minit ha madan.
Kiwei kiwei ki rangïalehkai phutbol kiba ka klob ka la ibit ban soi ïa ki na bynta kane ka samoi ïalehkai ki long u Mohammed Sanan, Amrinder Singh, Sahil Tavora, Ramhlunchhunga bad u Mohammed Yasir.
