Guwahati, Risaw:
U President ka Raijor Dal uba dei ruh u MLA ka Sivasagar, u Akhil Gogoi, u la pynbna ïa ka jingïakhih kaba khlem buh por ha baroh kawei ka Jylla, naduh ka 2 tarik Risaw, kata mynta ka sngi, da kaba kynnoh ba ka sorkar Assam, kam shym la lah ban pyndep ïa ka por ba la buh ha ka 1 tarik, Risaw, na ka bynta ban ai jingïarap na ka jingshlei um sha ki longïing kiba la shah ktah.
U Gogoi u la ong ba ka jingïakhih kan sdang ha ka Gandhi Jayanti bad kan bteng haduh ba ka sorkar kan pyndep ïa ki jingkular jong ka na ka bynta ki lanot shlei um.
La buh ïa kane ka sngi khadduh ha ka jingïalang paidbah ha Chachal Dharna Ground ha Guwahati ha ka 23tarik, Nailur, ha kaba ki nongïakhih ki la dawa ïa ka jingïarap pisa mardor bad kumjuh ruh ban siew bai lutksan kaba slem na ka bynta ki longïing kiba la shah ktah ha ka jingshlei um.
