Guwahati, Nailur:
Ka jingkulmar ka la nangjur ha phatok Barpeta distrik ha Assam ha ka 2 tarik u Risaw hadien ba la ïathuh ba ka jingïakynad hapdeng ki koidi bad ki bor pynïaid jong ka patok ka la kylla long kaba shyrkhei, ha kaba la kynnoh ba la siat pynma lai tylli ki kuli sha suiñ ban teh lakam ïa ka jinglong jingman.
Katkum ki khubor ba nyngkong, la ïathuh ba katei ka jingkulmar, ka la sdang hadien ba ki koidi ki la ïakhih pyrshah ïa ka jingkynnoh jrong kti jong u Assistant Jailor Kishor Haloi.
La ïathuh ba katei ka jingïakhih ka la kylla long kaba shyrkhei, ha kaba la kynnoh ba ki don ki koidi kiba la thombor ïa u Haloi bad pyrshang ban rung lyngba ka khyrdop kaba ar kaba don hapoh ka patok.
Katba ka jinglong jingman ka nang jur, la ïathuh ba ki bor pynïaid patok ki la siat lai tylli ki kuli sha suiñ ban khanglad ïa ki koidi ban pynpra ïa ka khyrdop ba shapoh bad ban teh lakam ïa ka jinglong jingman.
U Deputy Commissioner jong ka Barpeta, u Navdeep Pathak, u la poi sha katei ka jaka jong ka patok ryngkat bad ka kynhun ki pulit ban peit ïa ka jinglong jingman. La pynkhlaiñ bha ïa ka jingpahara ha kylleng ki jaka.
La khang ruh ïa ka jingrung shapoh ka jaka phatok, ha kaba la pynsangeh ïa ki briew ha ka khyrdop ba shabar katba ki bor pynïaid ki dang bishar bniah ïa ka jinglong jingman.
Ïa ki jingjia kiba thikna kiba la pynlong ïa katei ka jingïaleh pyrshah, ka jingdon ki koidi kiba donkti bad la don ne em kiba mynsaw ym pat lah ban pynthikna da kaba shai.
Ïa ki jingjia kiba thikna kiba la pynlong ïa katei ka jingïaleh pyrshah, ka jingdon ki koidi kiba donkti bad la don ne em kiba mynsaw ym pat lah ban pynthikna da kaba shai.
