Nongstoiñ, Risaw 02
Ka kynhun ïalehkai jong ka Mawlangdep bad ka Pyndengrei ki ïoh ban rung sha ka final jong ka lympung ïalehkai phutbol ïa kaba la tip kum ka 2nd MLA Cup men knockout football tournament 2026 ïa kaba la pynlong ha madan New Nongstoin.
Haba sakhi ïa kane ka lympung, ka jingïoh ban rung jong ka Mawlangdep sha ka final jong katei ka lympung ka dei hadien ba kala ïoh ban khur ïa ka jingjop da 3 kol la 0 ïa ka New Nongstoin ha ka jingïalehkai semi final pyrshah kaba la long ha ka Sngi Thohdieng jong ka taïew ha madan New Nongstoin.
Shuh-shuh, ka jingïoh ban bsuh khlieh jong ka Pyndengrei sha ka final pat ka dei hadien ba ka la ïoh ban khur ïa ka jingjop da kaba la pynliem noh da 6 kol la 5 kol ïa ka Sangriang lynga ka tie breaker hadien ka jingïakhaid da mar shikol ha ka jingïalehkai semi final kaba la long ha kane kajuh ka sngi .
Na ka liang ki nongpynïaid la pyntip ba ka jingïalehkai semi final jong ki khynnah kynthei pat kan long ha ka 3 tarik mynta u bnai ha madan New Nongstoin.
