Khliehriat, Risaw 04
Ka Chiehruphi SYWSC bad ka Rymbai Wah-shnong SC ki la khur jingjop ha ka lympung ïalehkai Super Division bad 1st Division Football League ba la pynïaid da ka East Jaiñtia Hills District Football Asso-ciation (EJHDFA).
Ha ka jingïalehkai Super Division kaba la long ha ka sngi Saitjaiñ ha madan Diengshynrum ha Khliehriat, ka Chiehruphi SYWSC ka la pynliem noh ïa ka Wahïajer Narpuh SSC da 2-1 kol.
Watla ka Wahïajer Narpuh ka la pynkhih jar nyngkong eh lyngba u Vishal Nongpluh ha ka minit kaba 45, hynrei hashwa ban wai u Regency Lapasam (90+4 & 90+8) u la lah ban thep syndon ar kol na ka bynta ban pynlong ïa ka Chiehruphi ba kan khur ïa ka jingjop.
Haba phai sha ka 1st Division, ka Rymbai Wahshnong SC ka la jop da 2-1 kol ïa ka Dhana CSC.
Ha kane ka jingïakhun ka Dhana ka la pynkhih jar nyngkong tang mar ïasdang ka jingïalehkai lyngba u P. Dkhar (8), hynrei ka Rymbai Wahshnong ka la lah ban pynphai kylla ar kol lyngba u S. Pala (17) bad u D. Swer (46).
